Эҫелә һыуһынды нисек ҡандырырға?

Белгестәр әйтеүенсә, йәйге селләлә һыуһынды ҡандырған иң яҡшы эсемлек – ул һыу. Уға лимон йә ҡыяр киҫәген өҫтәргә мөмкин. Шулай уҡ аҡ йә йәшел сәй, өй шарттарында бөтнөк, имбир һәм башҡа үләндәр менән әҙерләнгән лимонад та һыуһынды баҫыр.  

Ә бына татлы газлы эсемлектәр эҫе көндәрҙә сәләмәтлек өсөн үтә хәүефле икән. Составында шәкәр күп булғанға күрә, улар организмды тағы ла нығыраҡ һыуһыҙландыра, ти, диетологтар.

Беҙҙең халыҡ иһә элек-электән айран, ҡымыҙ, төрлө үлән сәйҙәре менән һыуһынды баҫыр булған. Шуның менән организмды көс-ҡеүәт менән тулыландырған, иммунитетты нығытҡан.