Башҡорт балы иң тәмлеһе

Социаль селтәрҙә уҙғарылған һораулама буйынса, сәскәле болондарҙа йыйылған башҡорт балы беренсе урынды яулаған – уны тауыш биреүселәрҙең 29 проценты һайлаған. Респонденттар билдәләүенсә, тап беҙҙең төбәктә генә боронғо кәсептәрҙең береһе – солоҡсолоҡ һаҡланған.

Икенсе урынды Краснодар крайы биләй, уны тауыш биреүҙә ҡатнашыусыларҙың 17%-ты һайлаған. Өсөнсө урында 16 процент тауыш менән Ҡырым балы. Был тарафтың балын да тәмле һәм дауалау сифаттары буйынса уникаль тип иҫәпләйҙәр. Бында башҡа бер ерҙә лә осрамаған бал сорттары бар: лаванда, шалфей балы.