Металлургия комбинаты хеҙмәттәшлекте нығыта

Сарала предприятиеның генераль директоры Алексей Толстиков етәкселегендәге БМК етәкселеге, Г.И. Носов исемендәге Магнитогорск дәүләт техник университеты, Белорет металлургия һәм күп профилле профессиональ колледждары етәкселәре һәм вәкилдәре ҡатнашты.  Мөһим диалогҡа видеобәйләнеш аша Рәсәй Дәүләт Думаһы депутаты, мәғариф буйынса комитет ағзаһы Эльвира Айытҡолова ла ҡушылды. Сығышында  урта һөнәри белем биреүҙе үҫтереүҙең төп йүнәлештәрен билдәләп, улар араһында кадрҙар әҙерләү нигеҙе булараҡ колледждар һәм предприятиелар партнерлығы, шулай уҡ эш биреүселәрҙең ролен көсәйтеү - сығарылыш квалификация эштәрен һәм демонстрацион имтихандарҙы әҙерләүҙә һәм яҡлауҙа ҡатнашыу, реаль производство процестарына мөмкин тиклем яҡыныраҡ шарттарҙа практик заданиеларҙы үтәүҙе күҙ уңында тотоу, маҡсатлы ҡабул итеүҙең артыуы кеүек мөһим бурыстарҙы аңлатып үтте.

Бөгөн абстракт хеҙмәт баҙарына кадрҙар әҙерләү  -  мәғәнәһеҙ һәм сығымлы. Предприятиеларҙың һорауҙарына ярашлы, улар менән тығыҙ партнерлыҡта әҙерләргә кәрәк -   тап ошондай тандем реаль һөҙөмтә бирә һәм төбәктә йәштәрҙе тотоп ҡалырға ярҙам итә, - тип йомғаҡ яһаны Эльвира Айытҡолова.

 - Уҡыу йорттары менән уртаҡ маҡсаттар һәм тармаҡтың киләсәге өсөн уртаҡ яуаплылыҡ бар. Металлургия һәм метиз тармағы беренсе көндәрҙән үк станокта ышаныслы тойған оҫталарға бәйле. Шуға күрә колледждар, юғары уҡыу йорттары һәм производствоның бергә эшләүе бик мөһим: теорияны шунда уҡ практика нығыта, ә сығарылыш уҡыусылары реаль мәсьәләләргә әҙер булып килә. БМК студенттар өсөн практик тәжрибә туплау һәм уларҙың һөнәри юлын башлау майҙансығы ғына түгел, ә  инновацион проекттарҙы тормошҡа ашырыу өсөн дә киңлек булырға әҙер. Беҙ алға барырға теләйбеҙ һәм яңы идеяларға асыҡбыҙ, - тине "БМК" акционерҙар йәмғиәтенең генераль директоры Алексей Толстиков.

“Түңәрәк өҫтәл”гә ярашлы ҡатнашыусылар бер нисә мөһим тема һәм башланғыстарҙы тикшерә ала: маҡсатлы һәм дуаль уҡытыу, БМК хеҙмәткәрҙәрен уҡыу программаларын әҙерләүгә йәлеп итеү, сығарылыш квалификация эштәренә кураторлыҡ итеү, уҡытыусылар тарафынан комбинатҡа даими йөрөү мөмкинлеге, университет базаһында инженер класын булдырыу, колледждар базаһында предприятиелар ҡатнашлығында уҡыу-производство комбинаттарын ойоштороу, студенттарҙы реаль производство проекттарына йәлеп итеү, БМК-ның "Цифровой двойник" компанияһы менән хеҙмәттәшлеге. Шулай уҡ ҡатнашыусылар үҙ-ара һөҙөмтәле эш итеү һәм берлектәге проекттарҙы тормошҡа ашырыу өсөн юл картаһын әҙерләүсе ведомство-ара эшсе төркөм булдырыу кәрәклеген билдәләне.

Белем биреү учреждениелары вәкилдәре прокат цехы, 2-се һәм легирланған сым цехтары буйлап экскурсия үткәрҙе.

Осрашыу аҙағында яҡтар дүрт яҡлы протокол әҙерләү тураһында килеште, ул комбинаттың Белорет районының урта һөнәри һәм юғары белем биреү учреждениелары менән артабанғы үҙ-ара килешеп эш итеү һәм хеҙмәттәшлек планы нигеҙендә ятасаҡ.