«Башҡортостан рустары соборы» 25 йыллығын билдәләне

Йәмәғәт ойошмаһы 1998 йылдың 30 мартында төҙөлгән - тап шул саҡта республикала йәшәүсе был милләт вәкилдәренең беренсе конгресы үткәрелә. Соборҙың иң мөһим эш йүнәлештәренең береһе - рус мәҙәниәтен һаҡлау һәм таратыу. Сирек быуатлыҡ юбилей уңайынан бөгөн Өфөлә киңәйтелгән конференция үтте. Уның эшендә Башҡортостан Башлығы Радий Хәбиров ҡатнашты.