Бөтә яңылыҡтар
Йәмғиәт
29 Ноябрь 2023, 17:25

Еңеүгә өлөш индерәләр

Яҡташтарҙың ярҙамы махсус хәрби операциялағы яугирҙар өсөн ҙур әһәмиәткә эйә. Хәрби операция башланғандан алып Белорет һәм район халҡы яҡташ хәрбиҙәргә ярҙам итә, кейем, медикаменттар, кәрәк-яраҡ тауарҙары һәм аҙыҡ-түлек менән посылкалар йыя.

Еңеүгә өлөш индерәләр
Еңеүгә өлөш индерәләр

Был юлы Мулдаҡай халҡы ҙур өлөш индерҙе. Ауылда етмеш кеше йәшәүгә ҡарамаҫтан, аҡса йыйып, шәхси гигиена тауарҙары һәм төп кәрәк-яраҡтар һатып ала. Ҡатын-ҡыҙҙар йылылыҡ һәм хәстәрлек менән һалма, борщ, май әҙерләй, бал һала, йылы ойоҡбаштар, бейәләй-бирсәткәләр бәйләй. Ауыл старостаһы Данияр Һөнәрғолов, ауыл китапханасыһы Раушания Вәлиева һәм социаль хеҙмәткәр Әлиә Һөнәрғолова ярҙамды ойоштороп, район хакимиәтенә алып килә.

- Мулдаҡайҙарға изге эше өсөн бөтә йөрәктән рәхмәт белдерәм! Белорет яугирҙарына киләһе аҙнала сираттағы гуманитар конвой менән посылкалар алып барасаҡбыҙ, - ти хакимиәт башлығы Андрей Иванюта социаль селтәрҙәге сәхифәһендә. 

Автор:Эльвира Хамзина
Читайте нас в