Яңы мәктәптә һайлауы ла күңелле

Рәсәй Президентын һайлауға бында йәшәгән халыҡ иртәнән алып ғаиләләре менән ағылды. Бында бөтәһе лә яңыса һәм байрамса ине. Һайлаусыларҙың күңел күтәренкелеге һиҙелеп тора.

- Тыныс тормош, балаларыбыҙ, ейән-ейәнсәрҙәребеҙ имен, бәхетле тормошта йәшәһендәр өсөн тауыш бирҙек. Беҙҙең теләк бер – бер ҡасан да ерҙә һуғыш булмаһын. Илебеҙ, еребеҙ сәскә атһын, халҡыбыҙ тыныс тормошта бәхетле йәшәһен,- тип һайлауға ғаиләбеҙ менән килдек,- тиҙәр Гөлнур Ғәни ҡыҙы менән Рәжәп Ғаяз улы Тажетдиновтар. Уларҙың ҡыҙҙары Эльвира Фәррәхова ла үҙ тауышын тәүгеләрҙән булып биргән.