Абу-Дабиҙа Салауат Юлаевтың эйәрен тәҡдим итәләр

Был хаҡта " Ирәндек" хәйриә фонды директоры Айнур Ишмөхәмәтов һөйләне. 

"Ирәндек" хәйриә фонды Башҡортостан Республикаһының 2024 йылдың 31 авгусынан 8 сентябренә тиклем Берләшкән Ғәрәп Әмирлектәренең Абу-Даби ҡалаһында үтәсәк Халыҡ-ара һунар һәм ат спорты күргәҙмәһендә ҡатнашыуын ойоштора. Күргәҙмәлә ҡулдан эшләнгән заманса башҡорт  һәм Салауат Юлаев ултырғыстарының тарихи күсермәһе күрһәтеләсәк. Шулай уҡ заманса эйәрҙәр эшләү буйынса оҫталыҡ дәресе үткәреләсәк.

Былтыр "Башҡорт аты" халыҡ-ара фестивалендә Башҡортостан Республикаһының Милли музейы уникаль экспонаттар менән сығыш яһаны. Улар араһында "Башҡорт атының тарихы" күргәҙмәһенең төп экспонаты булған эйәр бар. Был эйәрҙе 1925 йылда Ҡалмаҡтар ауылының аҡһаҡалдары музейға тапшыра. Легенда буйынса, эйәр республиканың милли геройы Салауат Юлаевтыҡы булған.

Хәтерегеҙгә төшөрәбеҙ, 15-16 августа Баймаҡ районының Граф күле буйында Башҡорт тоҡомло аттар "Башҡорт аты" халыҡ-ара фестивале үтәсәк.

Фото Башҡортостан Республикаһының Милли музейы сығанаҡтарынан.

Авторы: Дмитрий Фадеев