Ҡөрьән уҡыусы балалар араһында конкурс үтте

Конкурста "Аҡ мәсет"тең "Нуруль - ислам" балалар өсөн Ҡөрьән уҡыу мәктәбенең 15 тәрбиәләнеүсеһе ҡатнашты.

Мәктәп быйыл февраль айында асылғайны. Конкурсанттарға изге китаптың сүрәләрен яттан уҡыу ғына түгел, ә матур һәм дөрөҫ яҙыу ҙа мөһим булды. Конкурста ҡатнашыусыларҙың барыһы ла бүләктәр алды.

Белорет районы - күп милләтле, бында төрлө дин тотҡан кешеләр йәшәй һәм һәр кемдең үҙ йолаларын ҡәҙерләүе бик мөһим. Район мосолмандары исламдың бай мәҙәни мираҫына һаҡсыл ҡарай, хәйриә эшендә әүҙем ҡатнаша, йәштәрҙе рухи-әхлаҡи тәрбиәләү менән шөғөлләнә, бик күп изге эштәр башҡара, махсус хәрби операциялағы егеттәргә әүҙем ярҙам итә.