Ирекмән ҡыҙ махсус хәрби операция биләмәһендә атаһы менән осрашҡан

Ҡыҙ күңел ҡушыуы буйынса эвакуацияланған халыҡҡа һәм яугирҙәргә ярҙам итә. Лилиә атаһы алғы һыҙыҡҡа киткәндән һуң ирекмәнлек эше менән шөғөлләнә башлаған.

– Лилиәнең атаһы – 2022 йылдан махсус хәрби операция биләмәһендә. Ул гуманитар миссияны ойоштороусыларға атаһының хәҙер Курск йүнәлешендә үҙ бурысын үтәүе тураһында һөйләне, – тип хәбәр итте Халыҡ фронтының Йәштәр ҡанаты координаторы Рөстәм Сәләхетдинов. – Халыҡ фронты уларға сюрприз әҙерләне – яҡындарҙың осрашыуын ойошторҙо. Яугир өсөн был Атайҙар көнөнә үҙенсәлекле бүләк булды.

«Ҡыҙымдың Курскиҙа икәнлеген белгәс, борсолоп киттем. Бында тыныс түгел. Әлеге осрашыуҙы ойоштороусыларҙың барыһына ла рәхмәт», – тип тәьҫораттары менән уртаҡлашты «Мудрый» позывнойлы яҡташыбыҙ.