IX «Йәш профессионалдар» чемпионаты финалы күсерелде

IX «Йәш профессионалдар» (WorldSkills Russia) чемпионаты финалы ваҡыты күсерелде.

Был турала Башҡортостан хөкүмәтендәге бөгөнгө оператив кәңәшмәлә БР Башлығы Радий Хәбиров әйтеп үтте. Сәбәбе - коронавирус пандемияһы.

IX «Йәш профессионалдар» (WorldSkills Russia) милли чемпионаты финалы 21 июлдә «Өфө-Арена» майҙансығында асылырға һәм 25 июлдә ябылырға тейеш ине. Хәҙер ул август айы аҙағында уҙасаҡ.
Әйткәндәй, һуңғараҡ оператив штаб ултырышында республикалағы күләмле сараларҙың һуңғараҡҡа күсереү тураһында һөйләшеү буласаҡ.

Фото: Twitter