-7 °С
Ҡар
Антитеррор
Бөтә яңылыҡтар
Рәсми бүлек
5 Октябрь 2021, 14:18

Рейдтар артабан да дауам итәсәк

4 октябрҙән дәүләт һәм муниципаль музейҙарға, театрҙарға, китапханаларға, мәҙәниәт йорттарына, кинотеатрҙарға, шулай уҡ күп кеше ҡатнашлығындағы спорт сараларына инеү өсөн сикләүҙәр индерелде.

Рейдтар артабан да дауам итәсәк

Район хакимиәте башлығы Андрей Иванюта беренсе урынбаҫары Илгиз Теләүбаев, полиция һәм милек менән идара итеү комитеты хеҙмәткәрҙәре менән рейдҡа сығып, ҡаланың тарихи-крайҙы өйрәнеү музейында, Мәҙәниәт һарайы, Үҙәк китапхана, Картиналар галереяһы, кинотеатр һәм сауҙа нөктәләрендә булды.Учреждениеға ингәндә термометрия пункттарының, антисептиктарҙың булыу-булмауы, хеҙмәткәрҙәрҙең һәм халыҡтың битлек режимын үтәүе тикшерелде. Кеҫә телефондары аша вакцинация сертификаттарын QR-код процедураларына иғтибар бүленде.

Тәртип боҙоуҙар күҙәтелмәне. Рейдтар артабан да дауам итәсәк.

Иҫегеҙгә төшөрәбеҙ, 12 октябрҙән исемлеккә сауҙа үҙәктәре, шәхси музейҙар, күргәҙмә залдары, китапханалар, кинотеатрҙар, концерт залдары өҫтәлә; прививка тураһында сертификатһыҙ йәки сирҙе үткәреү тураһында белешмәһеҙ ҡала-ара автобустарға һәм «Орлан» ҡала яны поезына билет һатып алып булмай.

18 октябрҙән сикләү саралары матурлыҡ салондарына, СПА-салондарға, солярийҙарға, мунсаларға, сауналарға, физкультура-һауыҡтырыу комплекстарына, фитнес-клубтарға, бассейндарға, ресторан-кафеларға (әгәр унда 50-нән ашыу урын булһа) ҡағыла.

 

Автор:Эльвира Хамзина