Коронавирусҡа ҡаршы сараларҙың көсөнә инеүе күсерелде

12 октябрҙән 27-һенә тиклем музейҙарға, күргәҙмә залдарына, китапханаларға, сауҙа үҙәктәренә, матурлыҡ һәм массаж салондарына, СПА-салондарға, солярийҙарға, мунсаларға, сауналарға, физкультура-спорт комплекстарына, фитнес-клубтарға, бассейндарға, йәмәғәт туҡланыуы ойошмаларына барғанда, ҡала-ара автобустарға һәм «Орлан» ҡала яны поезына билет алғанда вакцинация тураһында сертификат, ярты йыл эсендә ковид менән ауырығанды раҫлаған белешмә, ПЦР-тестың кире һөҙөмтәһе хаҡында белешмә күрһәтергә кәрәк.

27 октябрҙән һуң ПЦР һәм вакцина яһатырға ярамауы хаҡында белешмә ҡабул ителмәй.

Был халыҡ прививка эшләтеп, сертификатҡа эйә булһын, ә учреждениелар һәм сауҙа комплекстары кәрәкле ҡорамал һатып алһын өсөн эшләнгән.