Машинаны газондарҙа ҡалдырған өсөн - 19,6 млн һумлыҡ штраф

Бының турала БР Хөкүмәтенең ЦУР-ҙа үткән оператив кәңәшмәһендә Юстиция эштәре буйынса БР дәүләт комитеты рәйесе Владимир Спеле хәбәр итте.

Уның һүҙҙәре буйынса, төп хоҡуҡ боҙоуҙар Өфөгә тура килгән - 14,5 мең тирәһе. Был дөйөм республика күрһәткестәренән 73 процент тигән һүҙ.

Быйыл Башҡортостанда былтырғыға ҡарағанда ундай хоҡуҡ боҙоуҙарҙың һаны 23,3%-ҡа артҡан тине Владимир Спеле. Шул уҡ мәлдә штраф күләме ҙә 16,5 процентҡа күбәйгән.