Ҡағиҙәләр боҙған өсөн штрафтар арта

 “Административ хоҡуҡ боҙоуҙар тураһында”ғы Кодексына тейешле төҙәтмәләр Хөкүмәттә эшләнә.

Юл хәрәкәте ҡағиҙәләрен боҙған өсөн ниндәй штрафтар арттырыла?

Хәүефһеҙлек ҡайышы эләктермәгән өсөн (12.6 РФ КоАП) штраф санкциялары 1,5 тапҡырға - 1000 һумдан 1500 һумға тиклем арта.

Административ хоҡуҡ боҙоуҙар Кодексының 12.8-се статьяһына ярашлы, транспорт сараһы менән иҫерек килеш идара иткән өсөн йәки идара итеү хоҡуғын тапшырған өсөн штраф 30 мең һумдан 45 мең һумға тиклем (Кодекстың 12.26-сы статьяһы буйынса медицина тикшереүе үтеүҙән баш тартҡан өсөн штраф та) арта.

Шулай уҡ тиҙлекте арттырған өсөн штрафтар үҙгәрә. Хәҙерге 500-5000 һум урынына 750-7500 һум буласаҡ. Юл билдәләре йәки билдәләмәләре талаптарын үтәмәгән өсөн штрафтар – 500-5000 һумдан 750-7500 һумға тиклем үҙгәрә.

Икенсе уҡыуға тәҡдим ителгән төҙәтмәләр штрафтарҙы арттырыуға ғына ҡағылмай, шулай уҡ уларҙы ташлама менән түләргә мөмкин. Бөгөн Административ хоҡуҡ боҙоуҙар Кодексының 32.2-се статьяһында юл хәрәкәте ҡағиҙәләрен боҙған өсөн 20 көн эсендә штрафтың 50 процентын ғына түләргә мөмкин, тип күҙаллана. Үҙгәрештәр ҡабул ителгәндән һуң штрафтың 75% түләргә тура килә, әммә ташламалы түләү ваҡыты 30 көнгә тиклем арта.