Инвестиция проекты ҡаралды

Проект авторы Белоретта бетон һәм тимер-бетон изделиелар етештереү буйынса завод асырға һәм Октябрьский биҫтәһендә күп фатирлы йорт төҙөргә ниәтләй. Инвестор үҙ аҡсаһын индереп өлгөргән, ҡорамалдарҙы лизингҡа алған, күп фатирлы йорт төҙөү өсөн ер участкаһы бар. Проектты 2025 йылда тормошҡа ашырырға ниәтләй. Ун эш урыны булдырыу ҡаралған.  

“Эшҡыуарлыҡ сәғәте”ндә ул бетон заводы төҙөү өсөн ер участкаһы һайлауҙа ярҙам итеүҙе һорай. Эшҡыуар етештереүҙең экологик хәүефһеҙлеген тәьмин итеүсе заманса ҡорамалдар ҡулланыуға баҫым яһай.

- Проект ҡалаға кәрәк, инвестор уны тормошҡа ашырыуға яуаплы әҙерләнә, уға бер нисә вариант тәҡдим ителде, барыһы өсөн дә иң ҡулайлыһын һайлаясаҡбыҙ, - тине район хакимиәте башлығы Андрей Иванюта сәхифәһендә.