Владимир Путин 1 октябрҙән көҙгө саҡырылыш тураһында указға ҡул ҡуйҙы

Рәсәй президенты Владимир Путин хәрби хеҙмәткә көҙгө саҡырылыш тураһында указға ҡул ҡуйҙы. Тейешле документ рәсми хоҡуҡи мәғлүмәт интернет-порталында баҫылған.

«2025 йылдың 1 октябренән 31 декабренә тиклем Рәсәй Федерацияһының 18-30 йәшлек граждандарын хәрби хеҙмәткә саҡырырға», — тиелә указда.

Документҡа ярашлы, 135 мең кешене саҡырыу планлаштырыла. Бынан тыш, ошо уҡ указ менән хәрби хеҙмәтен тултырған һалдаттар демобилизациялана.

Бынан алдараҡ Радий Хәбиров Башҡортостанда саҡырыу комиссиялары составын раҫланы.