-15 °С
Болотло
Антитеррор
Бөтә яңылыҡтар
Сәйәсәт
17 Сентябрь 2021, 17:00

Ағинәйҙәр һәр саҡ алда

Райондың Сосновка ауылында тѳрлѳ милләт кешеләре йәшәй. Шулай булыуға ҡарамаҫтан, был ауылда "Ағинәй" йәмәғәт ойошмаһы бик ҙур ихтирам һәм хѳрмәт менән менән ҡаҙана. Ауылдағы бер сара ла һѳйкѳмлѳ, уңған ағинәйҙәрһеҙ үтмәй.

Быға район халҡы ла күнегеп бѳткән. Земфира Кәримова етәкселегендәге "Ағинәйҙәр" һәр саҡ алдынғы рәттә. Сосновка клубында урынлашҡан 1340-сы һайлау участкаһында бѳгѳн сағыу байрам тиерһең. Һайлауҙың беренсе кѳнѳндә үк  ауыл  ағинәйҙәре  үҙ гражданлыҡ бурысын үтәне. Ағинәйҙәрҙең  милли, сағыу кейемдә һайлау участкаһына килеп тауыш биреүе үҙе бер матур, сағыу  күренеш булды. Депутатлыҡҡа ынтылған кандидаттарға ла, партияға ла үҙ тауыштарын ихлас бирҙе  ағинәйҙәр. Бынан тыш, Сосновка ауыл Советына ла депутатлыҡҡа күрһәтелгән кандидат ѳсѳн билдә ҡуйҙылар. Ауыл Советына ышаныслы, халыҡ мәнфәғәтен күҙәтерҙәй, халыҡты ихтирам итерҙәй кеше кәрәклеген бик яҡшы аңлай ағинәйҙәр. Тауыштарын биреп,  һайлауға килгән кешеләрҙе таҡмаҡтары, йыр-моң, бейеүҙәре менән ҡыуандырып, барыһының да күңелен күрҙе ағинәйҙәр. 

- Беҙ Белорет районы Сосновка ағинәйҙәре һайлауҙарға бик әүҙем йѳрѳйбѳҙ. Хатта коронавирус та ѳйҙә ултырта алмай, сѳнки беҙҙең тауыштарыбыҙ тыуған Башҡортостаныбыҙҙың киләсәген, беҙҙең киләсәкте хәл итеүҙә ҙур роль уйнай. Шуға ла беҙ, бѳгѳн үҙебеҙҙең матур башҡорт милли кейемдәрендә күтәренке кәйеф, ҙур ышаныс менән иң лайыҡлылар ѳсѳн үҙ тауыштарыбыҙҙы бирергә тип килдек. Илебеҙҙә тыныслыҡ, именлек, һәм тормошобоҙҙоң тағы ла матурыраҡ булыуын теләйбеҙ,
тине ағинәйҙәр етәксеһе Земфира Шәйхетдин ҡыҙы.
Автор:Сатура Мингажитдинова