Республика 2 меңгә яҡын мәжбүри күскенсене ҡабул итергә әҙерләнә

Тейешле документ Рәсәйҙең рәсми хоҡуҡи мәғлүмәт интернет-порталында баҫылған.

Рәсәй Хөкүмәте ҡарарына ярашлы, субъекттарҙа бөтәһе 96 мең самаһы кешене урынлаштырыу күҙаллана. Уларҙың 1867-һен Башҡортостан ҡабул итергә тейеш.

Донбасстан һәм Украинанан мәжбүри күскенселәрҙең күпселеге Воронеж өлкәһендә, Краснодар крайында, Ҡырымда, шулай уҡ Ростов һәм Белгород өлкәләрендә ҡала.