Башҡортостан Башлығы мөрәжәғәткә ҡарата үҙ фекерен белдерҙе

«Президентым менән ғорурланам. Бөйөк Рәсәйҙең Президенты менән... Башҡортостан һәр саҡ һеҙҙең менән. Сафта торған һәм һәр ваҡыт Рәсәйҙең терәге булған Башҡортостан яугирҙәре алдында хөрмәт менән баш эйәбеҙ», - тип яҙҙы үҙенең телеграм-каналында республика етәксеһе.

«Башинформ» хәбәр иткәнсә, Рәсәй Президенты үҙенең мөрәжәғәтендә уҙған ял көндәрендә булған хәл- ваҡиғалар тураһында һөйләне. Фетнә сығарырға йәки конституцион ҡоролошто боҙорға маташыу - уңышһыҙлыҡҡа дусар, тине ул. Ул боласыларҙың ҡылығын енәйәтсел тип атаны. Шул уҡ ваҡытта бөтә килешеүҙәрҙең дә үҙ көсөндә ҡалыуын билдәләне. «Вагнер» төркөмө яугирҙәре, Оборона министрлығы менән килешеү төҙөп, өйҙәренә ҡайтырға йәки Белоруссияға китергә мөмкин.