Бөтә яңылыҡтар
Замандаш
24 Ноябрь , 10:16

Атай-әсәйҙәргә - миҙалдар

Башҡортостанда балалар тәрбиәләүҙәге хеҙмәттәре, ғаилә ҡиммәттәрен һәм традицияларын һаҡлауға һәм нығытыуға тос өлөш индергән өсөн 18 кеше «Ата-әсә ҡаһарманлығы» миҙалы менән бүләкләнә.

Атай-әсәйҙәргә - миҙалдар

Указға ярашлы, был наградаларға Благовещен, Дәүләкән, Туймазы, Хәйбулла, Саҡмағош райондарында һәм Өфөлә йәшәүселәр лайыҡ булды.

Иҫегеҙгә төшөрәбеҙ, «Ата-әсә ҡаһарманлығы» миҙалы менән хеҙмәттәре Башҡортостанды данлаған балалар тәрбиәләгән ата-әсәләрҙе бүләкләйҙәр.

Спортта, ижадта, хәрби хеҙмәттә өлгәшкән ҡаҙаныштарҙан тыш, ғәҙәти тормоштағы героик эштәр ҙә билдәләнә.

Бынан тыш, ун йылдан ашыу өс һәм унан күберәк инвалид бала тәрбиәләгән ғаиләләр ҙә миҙал менән бүләкләнә.

Автор:Эльвира Хамзина