«Алтын»ын да яуланы, рекорд та ҡуйҙы

20 йәшлек йөҙөүсе терәк-хәрәкәт итеү аппараты зарарланғандар араһында арҡаға ятып 100 метрға йөҙөүҙә почёт пьедесталының беренсе баҫҡысына күтәрелде. Яҡташыбыҙ ошо араны 1 минут 01,65 секунд эсендә үтеп, паралимпия рекордын ҡуйҙы. Көмөш миҙалды — Белоруссия йөҙөүсеһе Егор Щелканов (+0,31 секунд), «бронза»ны Австрия вәкиле Тимоти Ходж (+0,51) алды.

Мозговойҙың миҙалы Рәсәй йыйылма командаһы өсөн 16-сы Паралимпиада «алтын»ы булды.