Уйындарҙа ҡатнашыуҙан ситләтелмәне

Рәсәйҙең Конькиҙа фигуралы шыуыу буйынса федерацияһы фигуристка Камила Вәлиева Пекиндағы Ҡышҡы Олимпия уйындарында ҡатын-ҡыҙҙар араһындағы яңғыҙ фигуралы шыуыуҙа ҡатнашасаҡ, тип хәбәр итте. “Камила уйындарҙа ҡатнашыуҙан ситләтелмәне. Халыҡ-ара Олимпия комитетынан рәсми белдереү көтәбеҙ, - тип белдергән Рәсәйҙең Конькиҙа фигуралы шыуыу буйынса федерацияһы пресс-атташеһы Ольга Ермолина. – Команда турнирындағы миҙалдарҙы тапшырыуға килгәндә, уның датаһын шулай уҡ Халыҡ-ара Олимпия комитеты асыҡлаясаҡ”.