Хоккей турниры үтте

Турнирға Асы ауыл хакимиәтенә ҡараған Береш һәм Берештамаҡ ауылдарынан хоккейсылары ла килде.  Көсөргәнешле ярышта Береш егеттәре  был юлы ла һынатманы, етеҙ, сәмле егеттәр үткән йылда ла беренселекте бер кемгә лә бирмәгәйнеләр.   Шулай итеп, I урынды Береш,  II урынды Асы һәм III урынды Берештамаҡ командалары алды.

Уйынсылар, ҡунаҡтар өсөн сәй табыны ла ойошторолдо. Тәмлекәстәр менән самауыр сәйе эстеләр. Ҡышҡы байрам барыһына ла оҡшаны. Ҡатын-ҡыҙҙар ҙа сәмләнеп китеп,  8  март – Ҡатын-ҡыҙҙар байрамында үҙ көстәрен һынап ҡараясаҡ.