Белореттар иң мәргәндәре

Турнирҙа республиканың ете ҡалаһы һәм районынан 110 спортсы ҡатнашты.

Беренселектә Вероника Ахунова, Полина Ганаева, Ярослав Климин, Данил Колесников, Кирилл Куприянов һәм Карина Талибова төрлө күнекмәләрҙә еңеүсе булды.

Белореттар винтовканан һәм пистолеттан атыу буйынса 42 миҙалдың 36-һын яуланы. Дүрт спортсы спорт мастерлығына кандидат нормативын үтәне, икәүһе – беренсе өлкән разряд.
Ә спартакиадала Елизавета Карплюк, Владислав Яковлев (винтовка), Анастасия Барашкова, Егор Швецков (пистолет) иң мәргәндәре булды.

Августа Ижевск ҡалаһында республика намыҫын яҡлаясаҡ 12 спортсының 10-ы белореттар.

Ҡотлайбыҙ!