"Бәйгене йыл да үткәрергә кәрәк"

Сара “Айыҡ ауыл-2021” республика конкурсына ярашлы үтте. Иҫке Сибай халҡы был сарала район күләмендә еңеү яулап, 80 мең һум алыуға өлгәшкән, ошо аҡсаны башҡорт тоҡомло аттарҙы танытыу маҡсатында  ярышты уҙғарыуға йүнәлткәндәр.

"Бындай бәйгене беренсегә ойошторҙоҡ, – тине Радий Хәбиров. – Баймаҡ районында башҡорт тоҡомло аттарға бағышланған фестивалде йыл да үткәрергә ҡарар ҡылдыҡ. Бәйгене барыһы ла ярата, ул бай мәҙәни традицияларҙың бер өлөшө, милли спорт төрө. Фестиваль шул уҡ ваҡытта тик ат сабышы ғына түгел. Уға ярашлы, ғилми-ғәмәли конференциялар уҙасаҡ, күргәҙмәләр эшләйәсәк".

20 саҡрым араға ойошторолған ат сабышында Ауырғазы районынан Денис Федоров еңеүсе тип танылды, уға Радий Хәбиров Башҡортостан Башлығы призын – Бәйге ҡушаматлы тай бүләк итте.

Радий Фәрит улы социаль селтәрҙәрҙә Ауырғазы районы егете Денис Федоровты ысын күңелдән ҡотлаған, уға артабан да уңыштар теләгән, шулай уҡ һәр бәйгесегә изге теләктәрен еткергән.  

Фото: Башҡортостан Башлығы сайтынан.