Эвелина - Донъя беренселеге чемпионы!

Эвелина Абҙаҡ мәктәбенең Х класында белем ала. Ғаиләлә биш бала тәрбиәләнә. Баш бала булған ҡыҙ әсәһенең төп ярҙамсыһы ла. Спорт менән бәләкәйҙән шөғөлләнә.
Биш йыл элек тренеры Салауат Дауытов еткселегендә билбау көрәше менән шөғөлләнә башлай. Ярыштың был төрө буйынса республика кимәлендә лә һынатмай, призлы урындар яулай һәм Башҡортостан йыйылма командаһы составына инә.
Йәш спортсының көн тәртибе лә тығыҙ: мәктәптән һуң, билбау көрәше, волейбол буйынса күнекмәләргә ашыға.
2021 йылда Эвелина үҙен тәүге тапҡыр Донъя беренселегендә һынап ҡарай һәм бишенсе була. Быйыл ул – беренсе!
“Еңеү еңел бирелмәне, - ти Эвелина. - Көрәштәштәр ҙә көслө. Тренерымдың хеҙмәте баһалап бөткөһөҙ. Салауат Ғәзиз улына рәхмәтлемен. Ул миңә күп көсөн һалды, ышанысын аҡланым. Киләсәктә тағы ла ныҡлап спорт менән шөғөлләнәсәкмен. Донъя кимәлендә тағы ла призлы урындар яуларыма ышанам”.