Өфөгә 185 биатлонсы килә

Был хаҡта «Башинформ» мәғлүмәт агентлығына Башҡортостандың Спорт министрлығынан хәбәр иттеләр.

Ярыштар 3-10 февралдә биатлон буйынса олимпия резервы мәктәбенең спорт комплексында ойошторола. Иң көслөләр исеме өсөн Рәсәйҙең 28 төбәгенән 19-21 йәшлек 185 спортсы көс һынаша. Уларҙы суперспринт, ҡатнаш эстафета һәм масстарт кеүек ярыштар көтә.  

Беренселектең һәм Бөтә Рәсәй ярыштарының яҡынса программаһы ведомствоның телеграм-каналында баҫылған.