"Беҙ бергә.Спорт" уйындары башланды

Өфөлә I "Беҙ бергә.Спорт" йәйге Сурдлимпия уйындары башланды. Һаңғырауҙар араһында уҙасаҡ халыҡ-ара ярыштарҙы асыу тантанаһы бөгөн "Өфө-Арена"ла үтте.

Баш ҡалабыҙға донъяның 30 иленән 743 спортсы килде. Улар - Бразилия, Төркиә, Франция, Испания, АҠШ, Израиль, Кения, Филиппин, Иран, Ирак, Вьетнам һәм башҡа тарафтарҙан. Рәсәйҙән 495 кеше ҡатнаша.

Сурдлимпиясылар 21 спорт төрө буйынса көс һынашасаҡ. 2 авгусҡа тиклем барасаҡ ярыштар Өфөнөң 18 спорт объектында уҙасаҡ.

Автор:Эльвира Хамзина

Читайте нас

Новости партнеров