Сермән, Абҙаҡ, Инйәр һәм Әбйәлилдең Яңы Балапан ауылдарынан 14-17 йәшлек үҫмерҙәр үҙҙәренең спорт оҫталығын, динамик уйынын күрһәтте. Көйәрмәндәр ҙә үҙҙәренең командаларын көслө алҡыштар менән күмде.
Абҙаҡтағы уйын йомғаҡтары буйынса I урынды Инйәр командаһы яуланы. II урын – Сермән хоккейсыларында. III урында – Абҙаҡ командаһы. Абҙаҡтан Данис Хазыров – “Иң яҡшы ҡапҡасы”, Абҙаҡтан Радмир Ноғаманов – “Иң яҡшы һаҡсы”, Инйәрҙән Денис Исҡаков – “Иң яҡшы һөжүмсе” һәм Сермәндән һигеҙ гол индергән Радмир Сөләймәнов “Иң яҡшы бомбардир” булды.
Турнир йомғаҡтары буйынса команда зачетында I урынды турнир хужалары - Сермән ауылы командаһы яуланы. II урында - абҙаҡтар, III урында Инйәр спортсылары. Сермәндән Илнар Ғәлимшин, Инйәрҙән Йософ Ғилманов, Абҙаҡтан Руслан һәм Яңы Балапандан Баязит Зәйтүнов турнирҙың иң яҡшы уйынсылары тип танылды. Уйынсылар диплом-миҙалдар, команда тренерҙары Рәхмәт хаттары менән билдәләнде.