Турнир башланыр алдынан спортсыларҙы һәм ҡунаҡтарҙы район Советы секретары Альберт Азаматов һәм урындағы хакимиәт башлығы Алена Кучербаева сәләмләне.
Турнирҙа бөтәһе алты команда: "Граница", Белорет ҡалаһынан "Белогорье", Межгорье ҡалаһы, Әбйәлил районы Хәмит, Манышты , Инйәр ауылдары командалары ҡатнашты.
Уйын көсөргәнешле үтте, бер кем дә бер-береһенән ҡалышырға теләмәне, бөтә командалар ҙа еңеү өсөн аҙаҡҡаса көрәште.
Уңыш Межгорья ҡалаһынан килгән командаға йылмайҙы. Осрашыу йомғаҡтары буйынса турнир урындары түбәндәгесә билдәләнде:
- Межгорья командаһы – I;
- Инйәр ауылы командаһы – II;
- Әбйәлил районы Хәмит ауылы командаһы – III урындарҙа.
Турнир еңеүселәре миҙалдар, грамоталар, сертификаттар менән билдәләнде.
Был көндө спортсылар ҙа ваҡытты файҙалы үткәрҙе һәм ыңғай эмоциялар алды. Барыһына ла лайыҡлы уйын ғына түгел, ә үҙҙәренең оҫталығын һәм еңеү өсөн көрәшергә ынтылышын күрһәтте.