Ун миҙал яуланылар

Тимур Лоҡманов уҡ атыу буйынса көмөш миҙал яуланы, спорт классы “Ултырып”.

Пуля менән атыуҙа (“SH1” класы) Максим Корлыханов менән Рубен Хәсәнов беренсе һәм икенсе урын алды.

Өҫтәл теннисында, “Баҫып” спорт класы дисциплинаһында Олег Мөфтәхетдинов еңеү яуланы. Өсөнсө урында – Әлмир Үлмәҫҡолов. Бынан тыш, Үлмәҫҡолов пауэрлифтинг буйынса ла өсөнсө урын яуланы.

Динар Латипов пауэрлифтингта “бронза”ға (“Асыҡ” спорт класы) лайыҡ булды. Уның армрестлингта “алтын”Ә (90 килограмға тиклем баҫып – һул ҡул) һәм армрестлингта “бронза” (90 килограмға тиклем баҫып – уң ҡул).

Ниһайәт, Башҡортостан командаһы волейболда еңеүсе булды, “Ултырып” спорт класы.

Еңеүселәргә аҡсалата приздар тапшырылды. Беренсе урын өсөн – йөҙәр мең һум, икенсе урынға – 75 мең һум, өсөнсө урынға – 50-шәр мең һум.

Рәсәй Паралимпия комитеты президенты, Рәсәйҙең атҡаҙанған тренеры Павел Рожков йомғаҡлау һүҙе менән сығыш яһаны:

– Башҡортостанда бындай ярыштарҙы беренсе тапҡыр ғына үткәрмәйбеҙ. Бында бихисап бөйөк спортсылар әҙерләнгән. Төбәк махсус операцияла ҡатнашыусыларҙы физкультура һәм спорт менән шөғөлләнеүгә тәүгеләрҙән булып йәлеп итә башланы. Хис-тойғолар буйынса, был турнир күп кенә халыҡ-ара ярыштарҙан ҡалышмай. Ә вәкиллек буйынса уларҙы хатта уҙып киткән. Дәүләт башлыҡтары ҡатнашҡан ярыштарҙың бик аҙ булыуын беләм. Ил Президенты Владимир Владимирович Путинға беҙҙең егеттәргә ярҙам иткәне өсөн рәхмәт.

Шулай уҡ Павел Рожков Башҡортостан Башлығы Радий Хәбировҡа рәхмәт белдерҙе һәм турнирҙың юғары кимәлдә ойошторолоуын билдәләне.

Иҫегеҙгә төшөрәбеҙ, “Беҙҙең заман геройҙары” махсус хәрби операция ветерандары турниры Өфөлә “Рәсәй - спорт державаһы” форумы сиктәрендә үтте. Ярыштарҙа илдең һигеҙ төбәгенән йөҙгә яҡын спортсы, махсус хәрби операция ветерандары ҡатнашты.

Фото: Сергей Словохотов.

https://bashgazet.ru/articles/0905/2024-10-19/bash-ortostan-sportsylary-be-e-zaman-geroy-ary-turnirynda-un-mi-al-yaulany-3974883