Спортта ла һынатмайҙар

Профессор Ирек Сафин Кубогына бер майҙансыҡта травматологтар, хирургтар, неврологтар, онкологтар һәм башҡа белгестәр йыйылды. Йәмғеһе 21 команда призлы урын өсөн ярышты.  

Белорет һәм Межгорье ҡалалары намыҫын йыйылма команда: табип-эндоскопист Закир Ғәлимов, ашығыс ярҙам табибы Марсель Моталов, табип-анестезиолог Рөстәм Бәҙретдинов, табип-стоматологтар Иван Овчинников һәм Илнур Рәхимов, массажист Рәуил Мөфтәхетдинов яҡланы.

Турнир еңеүсеһе тип Ғ. Ғ. Ҡыуатов исемендәге Республика клиник дауаханаһы командаһы табылды.

Башҡорт дәүләт медицина университеты командаһы - II , Белорет-Межгорье йыйылма командаһы III урындарҙы яуланы.  

"Еңеүгә ихтыяр көсө өсөн" кубогын Ғ. Ғ. Ҡыуатов исемендәге Республика клиник дауаханаһы икенсе командаһы алды.

Күрһәткән ныҡышмалығығыҙ, рух ҡеүәтегеҙ һәм еңеүгә ынтылыуығыҙ өсөн рәхмәт! Һеҙҙең ҡаҙанышығыҙ тағы ла ҙурыраҡ үрҙәргә табан барған юлдың башы ғына булһын! Яҡындарығыҙҙың ярҙамы һәм ҡурслауы көс һәм ышаныс өҫтәһен!