Көрәшселәр һынатмай

Белорет районынан ярышта Абҙаҡ мәктәбенең туғыҙ спортсыһы ҡатнашты. Ҡыҙҙар араһында 40 кг ауырлыҡта - Илсиә Ғүмәрова, 44 кг ауырлыҡта - Наилә Хилалова, 52 кг ауырлыҡта - Азалия Абсадыева, +57 кг ауырлыҡта Сабина Әхмәтйәнова I урын яуланылар. 57 кг ауырлыҡта - Азалия Мансурова, +57 кг ауырлыҡта Розалия Искәнйәрова II урынға лайыҡ булдылар.

Малайҙар араһында 36 килограмм ауырлыҡта V урын менән Мөслим Әхмәҙин билдәләнде. Искәндәр Хажин һәм Рәмзил Ноғаманов та үҙҙәренең ауырлыҡ категорияларында яҡшы күрһәткестәргә өлгәште.

Йәш спортсыларға артабан да уңыштар насип булһын!

Үҙ хәбәрсе.